Bestill her

Lokal mat

Eit eventyr med Bodil Fjellestad og Fjordameny

I vår historiske restaurant kan vi tilby ei reise i lokale smakar. Geit, lam, gris og okse er frå lokale bønder. Viltet er frå lokale jegarar. Fisken er frå Gloppen eller like ute ved kysten. Bær, frukt og nokre grønsaker er dyrka på Sandane og mykje av baksten lagar vi sjølv. Spekematen er frå eige produksjonskjøkken og stabbur. Urtene skaffar vi frå Høgt og Vilt- ein gard uti fjorden.

Med denne satsinga har hotellet vore ein viktig del av ei endring for lokale matprodusentar, der bøndene no kan selje meir i eiga bygd i staden for til store konsumprodusentar i norsk matvareindustri.

Bodil kom tilbake til bygda og hotellet etter fleire år på restaurantar i Oslo og Bergen. Bodil ville noko med maten og hotelldirektøren drøymde om eit eige produksjonskjøkken til Bodil. Ut på hausten 2008 vart draumen realisert med umiddelbar suksess. Same år vant hotellet og Fjordameny regionprisen Ganefart- og 2 år seinare i 2010 henta Bodil heim førsteplassen; «Norges beste spisested langs veien.»

Alt dette har bidrege til at både hotellet og bygda satsar stort på å foredle fram dei gode smakane som finst lokalt. Gloppen Kommune er også ein heilt naturleg stad for ei slik satsing. Med ein snittemperatur på 13,9 grader og lite nedbør, er kommunen ein av dei første i landet som kan hauste frukt og bær.

Bodil har eit nært forhold til alle produsentane i bygda og fylgjer dei godt. På denne måten veit ho kor dyra kjem frå og at det har blitt behandla bra. Dette er veldig viktig for oss, og ikkje minst kan det kjennast på smaken!

Nærare 20 råvareleverandørar frå Gloppen og omegn leverar i dag mat til hotellet og Fjordameny. Bær, urter, frukt og grønsaker, kjøt, fisk og vilt. Samtlege rettar både lunsj- og middagsmenyane består av lokale råvarer. Frokosten likeså.  –Vi bakar alt sjølv, lagar salatar, sylter og kjøttpålegget. Røykelaksen og spekematen er tørka på hotellets stabbur frå 1829. Alt av kjøttpålegg er heimelaga: hamburgerrygg, badsturøykt lammelår, lammerull, sylteflesk, hjortemorr, bacon og mykje meir. I juletider lager vi våre eigne ribber, pølser, pålegg og diverse. Vi tek imot heile lam og foretek heile prosessen på Fjordament. Tørkinga blir gjort på stabburet i bakhagen.